唔知點解以前舊BLUR既"10天驚動愛情"係有咁多人POST上去玩
(雖然好多人後期POST既都唔係話想搵GAME  反而想搵長久既愛情)

但E家呢個GAME既熱潮已過咁
所有想尋找"認真另一半"既人都轉陣去左"交友區"








提外話#
就算E家既自貼區比起以前都失色不少



可能真係過去了都回不去吧?!
愛情如是.論壇如是...唉

可能同呢到人流點都係比舊區少有關吧

而現在係10天愛情區貼文嘅, 都會同時係交友區貼文, 10天愛情區只係多一個渠道

以前舊FORUM D人玩完會有部份真係分享番出來, 依家就甚少人分享

我反而覺得已多左好多人氣了，最初時，BLUR-F Reconstructed 既自貼區幾日先會見到有一個回應，現在已熱鬧好多，同埋好開心次次上黎都見到熟悉既id keep 住發言.

但如要同舊blur-f 比，當然有分別

舊blur-f 建立時既年代，係0係街拎住部pda 已好另類，回家上網都係比較單向既溝通，
同時都無咁多起底，令到個世界又感覺美好d，識人同埋分享事後感個戒心低d，會夠膽post 同講野，現在，我相信好多人都怕網絡世界既有跡可尋，唔係都唔會咁多人要求delete post ，又好多寧願做cd rom 唯讀下好過蒲頭

另提外話#
說到:


((( 可能真係過去了都回不去吧?!
愛情如是.論壇如是...唉)))

我認為是看妳選擇生活在回億裡還是忍痛抽身，面對自己，建立將來

樓上版主講緊樣野係一個兩難

一方面覺得, 人開POST自然有權利收番, 有時可能以前公開POST私隱, 事後覺得無須要.

另一方面覺得, 咁樣會令人好易講野唔算數, 亦加重版主工作量(雖然你地可能好HELPFUL). 有可能有利於某D人收埋過去事(當然也可以話, 過去就別提了 XDDD 人誰無過雖然江山移改...)

有人識NF前係會先SEARCH下對方底細先 (GOOGLE癖? XD)

以前係可以比較易TRACK得番一個人講過嘅言論. 現在就難了

本來上線識人就唔多唔少講個信字, 始終唔係識於微時, 好難知對方自我表述之真偽. 所以都係講句, 點都好, 大家都真係花多D時間去好好了解一個人

所以真係兩睇.

純粹個人主觀地好討厭無承擔既人，一係就post 之前想清楚，一係就由識到partner 果刻做好自己，如果真心對對方係坦誠，無心術不正，對方一定會feel 倒，又何須要急急delete 自己既過去

但版有版規，亦同意妳說的"人開POST自然有權利收番" ，所以好尊重呢d rules

其實我都係怕比人起底,
唔係驚比人知我係les,
而係有d好無聊既人, 會睇你既post之後就同佢既朋友講你點點點...
之後有d又故意中傷你..

成熟一輩個generation, 應該比較少, 因為大家都成熟
但係...90's呢? (雖然我係90's,但我所指既係新學制個d)

話說我同現任一齊; 但現任的ex一直唱衰我
重點係我唔識佢, 更唔知佢咩人==
但佢就話有朋友識我, 又話我濫; 又話我花心;又話我係forum亂識人, 真係...
之後我睇臉書有一個mutual friend,
個個朋友係我係blur-f識, 只係中七時借參考書見過-,-(仲係唯一一次)
平時都係whatsapp吹水, 之後連還書我都係寄去佢屋企=____="


自從呢次我有時都會幾擔心..有好長時間冇上黎..
但自己冇做, 又好唔抵比人咁屈~
因為我真係比較少表達意見個堆
(不過依家多左^_^8)

你咁樣講 我都好似曾經聽講過唔知邊個 無啦啦同人講 話識我
又話我玩D女仔, 但明明多數比人玩個位係我
不過我又唔太擔心, 真係識我嘅人都知我係咩人
有啲人要點講 我都阻唔到
只會一直做自己

久唔久清下FB好事來架 XDDDD 一係就FB選擇性DISCLOSE野比人睇. 圈子細, 好難避免唔識唔熟的L友攞你D相大講
唔好話現任嘅EX, 就算係EX都有可能識人時周圍將你D相比人睇, 無遮無掩