原帖由 J__ 於 2013-4-3 11:08 發表
樓上有位姊妹話好朋友會好CLOSE. 絕對合理.
但有時. 有D感覺. 係FEEL到唔同.
有D. 大家或者以好朋友相稱. 但當中有OVER朋友既感情.
呢樣野. 我都曾經同1個朋友傾過.
佢話. 有時係明知大家都唔係只有FD既F ...
見到你咁講,我又想講一件事,人物都係我同果位同學(今次叫佢做A先),
事件都係發生響學校旅行,咁就係BBQ,本來我地係坐同一個爐,
但係我又同另一個同學吹水吹到慶高釆烈,卒之去左第二個爐坐,
燒燒下果陣,A呢就燒左塊豬扒拎過黎請我食,
果一刻,完全冇諗過燒野俾佢食嘅我忽然好慚愧,於是我又拎野過去請佢食,
結果,我地兩個不斷行來行去互相請食野
跟住佢燒左條香腸,響佢準備咬落去果一刻,我一時貪玩咬條香腸另一邊,
我以為佢會「放口」La,點知佢又唔放,卒之面貼面,「你眼望我眼」咁望左幾秒,
我承認我響果一刻係俾佢電到有少少暈
,跟住我望見周圍,簡直好似成個世界定左格咁,
老師同學個個O晒咁望住我地兩個
,嚇到我地兩個即刻彈開,佢走去整番薯,我走去搵其他同學影相,
跟住佢又叫我去食番薯,佢逐啖逐啖咁餵我食,好在舊番薯唔大,
如果唔係我可能已經俾佢電到慘過中「十萬伏特」,冇命打呢堆字俾大家睇喇,
我果晚成晚都訓唔着
,好驚真係鍾意左佢,因為我完全冇興趣響學校搞D咁嘅野,
於是我番學之後專登痴住另一D朋友,費事又唔知搞出乜野事,
又過左幾日,我終於搞清楚只係一時錯覺,鬆左一口氣.
前幾日老師請食百力滋,我同佢食左自己果D仲意猶未盡,走去問其他同學攞,
我拎住支百力滋,佢問:「不如我地好似上次旅行……」
我費事又俾佢電暈,趁佢未講完,拿拿林將支百力滋抝成兩折,一人一半!
有時直人唔覺得咁做有乜問題,但係對我黎講兩個女仔「面貼面」真係好大件事!!!