呵終於有女人睇過超過一本三島的著作
如果話起步嘅日本作家, 中一時睇過兩本黑柳徹子"窗邊的小豆豆"系列. 但今時今日已忘掉
三島由紀夫,中四開始睇. 事源明報石琪專欄, 提起三島由紀夫, 話他的GAY當時係公開的秘密. 咁就撩起我好奇心. 第一本入門書係佢處女作"假面的告白", 從此我就開始睇佢D書, 不過唔係睇曬. 睇了大部份啦. 有D書我自己都睇唔落去, 最經典睇唔落去嘅"太陽與鐵" 真係我都頂唔住, 幾頁之後放棄!
我自己最喜歡嘅有:假面的告白, 金閣寺, 奔馬, 禁色, 愛的飢渴, 憂國
自己唔太喜歡: 午後曳航, 盜賊, 悲沉瀑布, 春雪, 曉寺, 天人五衰
睇咗D頂唔住嘅: 鏡子之家, 能歌集, 美德的背叛, 太陽與鐵
嘩你阿媽好野喎
其實三島一生最大主題, 係"美". 可能我識野少, 我暫未見過一個人追求"美"追求到咁極端. 金閣寺呢本野奇特在一個口吃宅男點樣因為金閣之美而影響佢生活. 我自己唔識哲學唔識好系統去分析文本喇, 留番比D專家研究.
佢個FD川端康成, 我只係試睇"千羽鶴". 我就覺得好悶了. 頂唔住
村上春樹,只睇過挪威的森林, 國境之南, 海邊的卡夫卡, 同一本叫夢中見的短篇(仲有另一作家合著). 我自己唔太迷佢呢. 可能因為咁我睇電影版挪威的森林, 無咩包袱
太宰治,我只睇過人間失格, 我就唔太大感覺. 不過好笑在, 原來三島唔LIKE佢, 但其實佢地2個係有共通點, 尤其佢地嘅家庭背景. 果套戲"櫻之桃與蒲公英",有睇, 我個人來講唔太喜歡太宰治個格. LOL