美輪明宏, 我就真係唔識喇. 佢個樣...... ....阿三島嘅口味真係好特別. 我以為佢最BUY禁色的男主角果種仔 ....我比較欣賞御法度入面嘅松田龍平

如果你朋友覺得你同太宰治相似, 咁就真係睇下你咩星座 . 我係估中咗佢係雙子 LOL (對呢個星座我係好有意見. 各雙子不喜勿插) 不過你PROFILE個生日如果係真, 就唔係雙子喇

咁你開唔開心你同你"偶像"咁似 LOL

btw 有無睇過遠藤周作

我內心其實有點渴望你就是我那位朋友 ，
或許等我再了解你多一點，就能夠知道你是不是她了~
其實她是個怎樣的人我只知道一點點，
因為跟她相識的日子很短，
她也喜歡看書，也是慢熱的人，
跟你所說的職業是一樣~
還有整體給我的感覺，跟你所形容的都很像~
除了看書，或者可以談談別的，
例如你家裡有沒有兄弟姐妹？
又例如，你說你沒有音樂或者藝術方面的細胞，
那你會聽音樂嗎？
喜歡電影嗎？
我覺得電影也是在說故事，
喜歡故事的人應該也會喜歡電影吧~
最近有幾部想看的電影，還沒有時間去看，哈哈~

記得幾年前跟你互換過 blog，
哈哈，後來我很少寫了，生活很忙。
想不到紅樓夢你可以看三次！
果然是讀書人

其實我對雙子座都好有意見 wakaka!
而且果個生日係真既。
我估同星座無關，可能因為我太好逸惡勞遊手好閒沉迷酒色啫，如果我有閒情+才情寫本自傳式小說流”芳”百世，就應該開心都黎唔切了。
遠藤周作無睇過呢，反而有睇羅生門，同埋谷崎潤一郎有一本叫卍既係講2個闊太既禁忌的愛：）

除左呢d 之外就係近代d 既作者勒，其實我都唔識從文學修養角度欣賞，主要都係内容同題材，當然仲有文字。

不如離開戰前日本一陣，歐美既大作我幾乎一本都無試過睇晒，可能譯本太厚内容太...
近年只鍾意過莎岡唔知你識唔識？

白先勇係當年讀中學時讀書報告書單內唯一一部看得津津有味既書。
講起戲曲，白先勇近年因為對昆曲（蘇州既傳統戲曲）既熱戀，所以積極推廣仲重寫青春版牡丹亭（即係遊園驚夢既原版故事）

QUOTE:

查實莎岡都係雙子喎 我睇過"日安憂鬱" 因為佢個名好正, 不過我就對個故事果對父女無咩好感. 只係第一段個寫作手法好吸引咋 反而"我的美好回憶"令我感覺好D. 莎岡又鍾意開快車又鍾意賭, 我兩味都唔識唔好, 而佢嘅感情生活仲好多姿多彩, 我就無咩共嗚喇

谷崎潤一郎, 唔識. 芥川龍之介, 羅生門好出名呀, 忘記有無100%睇曬. 我只記得睇過佢一篇叫"齒輪"嘅散文. 好似後來有人話佢寫果時已經精神有異, 有幻覺先見到齒輪轉 我無咩睇佢D書, 不過係知有個芥川龍之介文學獎咋
太宰治食軟飯架嘛係咪, 好似佢成個人都好悲覺得人生無意義, 總之係弱不禁風. 可能呢種文人又偏偏引到女. 唔通你 .......

歐美....我睇唔多, 而且都係中學時期睇咋. "老人與海", 嘩, 成本野都係個老伯內心戲, 點樣同老魚搏鬥, 仲要自覺同條魚知己知彼惺惺相惜, 點頂! 果時唯一睇英文原著只有Catcher in the rye. 後來有個唔熟的朋友話我似個條仔喎, 麻煩友憤世嫉俗懶有野吧. 卡夫卡只睇過"審判", 令人心寒, 近日想, 強國係咪唔多唔少日日都有呢個類似"審判"嘅情況, 只係被人捉的人至少會知道自己"衰咩".

英國文學我就真係唔識喇. 頂盡只睇過咆哮山莊(中英都有睇), 王爾德我留意佢生平咋, 只睇過快樂王子

要講惡頂, 俄國D大文豪嘅現實主義寫作真係.....出於虛榮心(!!!)中六時迫自己吞咗杜思妥也夫斯基的"罪與罰" 和"卡拉馬助夫的兄弟們". 前者仲好D, 後者真係想死

如果話文學係精神苦悶嘅產物,
咁可能讀書都係出於精神苦悶.
再加埋精神飢餓.
或者說穿了我當時只係一個無朋友又無其他嗜好又唔郁嘅孤獨精
記得自己中二三時, 係漫畫學會會員(人人都係點都要參加課外活動架嘛!) 基本上無個會員靚女, 會長仲好似邪流丸個心灰小姐咁樣(好似REPEAT了至少2次都畢唔到業) 其他人就緊係畫埋D日本少女FEEL, 我就得到一個"故事內容很好, 畫功平平"嘅評價啦. ....呢個嗜好由4歲KEEP到19歲. 之後忽然從此一隻龜都畫唔出. 可能我終於明白, 自己真係無咩天份吧

好懷疑係咪文藝基男都有昆曲情結, 近年楊凡都好留心呢味野
牡丹亭又的確令人好多想像, 好瑰麗. 不過, 如果以文學分析角度, 就會話湯顯祖其實以杜麗娘自況緊架喇.....(而唔係表面上講精誠所致金石為開嘅愛情)

"我最美好的回憶"係佢自我感覺良好地寫既自傳，所以將佢極其糜爛既生活寫到天堂一樣，我仲有另一本"一個迷人的小魔鬼"，係佢身邊人寫佢既真實人生。當然果個係佢摯友而唔係媽咪姐，所以呢本唔會係揭秘書，不過2本對比之後會知道佢點諗野同知道點解佢既一生會咁精彩／糜爛。

我反省過應該係對果d 奇怪又無感情既譯名反感，生命中不能承受的輕，蘇菲的世界只睇到幾節就放埋一邊…老人與海，傲漫與偏見呢d 我直情唔會亂挑戰，記憶中我完成既2本西譯書只有小王子同埋少年維特的煩惱。


原來你係麥田捕手，失敬失敬!! 唔通你係僥倖無成為連環殺手/地獄憤青既少數，定係高智慧型仲未比人發現果隻少數 …


至於我好明顯我係成日幻想可以靠幾分咀頭食軟飯果d，亦永遠只流於幻想 …

生命中不能承受的輕-->睇一二頁放低
蘇菲的世界-->曾經好興, 但我無感覺, 亦好快就收手
小王子-->睇過, 唔係佢FANS
少年維特的煩惱--->睇完無去死, 覺得主角有D攞來煩

僥倖無成為連環殺手/地獄憤青既少數，定係高智慧型仲未比人發現果隻少數---> IQ係正常人嘅IQ. 好彩無成為隱青至真. 點解會係連環殺手?

《麥田捕手》因為幾位殺手變了調。射殺披頭四成員約翰藍儂的兇手，被捕時隨身帶著《麥田捕手》。意圖行刺雷根總統的刺客，也自稱是《麥田捕手》的書迷。《麥田捕手》因此被扣上「反社會者信奉的聖經」罪名。

而且麥田捕手同近年校園槍擊犯差唔多係掛勾咁滯...

應該係由有青春版之後全國(esp基界)風行，好似連邁克都好此道，除左昆曲之外佢地都愛歌舞伎(男生做主角果隻)，明顯個脂粉樣比分好重，如果三島至愛此時此地出現，佢地應該都會暈得一陣陣。

-_-"" 我無記錯, 個男主角唔會係大開殺戒嘅人....我只視之為反叛青春咋. 再伸遠地想起"四百擊"個男仔

又再講遠D, 初出道嘅里奧勒度專做埋呢D唔跟大路走的反叛青年, 邊緣日記, 不如...重新開始,...我覺得當年嘅佢, 如果有人開拍《麥田捕手》,一定要搵佢做主角

或者係果D狂人將自己心目中的真理同正義放得太大, 自覺自己係果個"捕手"吧

枉我稱三島為我唯一偶像, 竟然唔知佢有呢個喜好............
係咪我地講D野太悶, 無人覆.....(樓主個POST被騎劫了 )

呢本唔係工具書唔會教你點做殺手既，應該係鍾意呢本書既人都會有相似既思維理念，睇佢地會點develop 啦，再神怪d 可以當佢有詛咒或者暗藏撒旦洗腦密碼wakakaka

我覺得係而家世界變左，細路既成長生活變異，有好多傾向壓抑或者逃避，令佢地好易轉牛角尖，講開電影的話有好多歐美日本片都總有d 細路因為晌屋企同學校太壓抑，最後殺人如殺蟻的…

(路過)
日本作家基本上只看過芥川龍之芥的作品，最喜歡他的短篇小說《沼澤地》，迷上了那種暗沉和憂鬱。
麥田捕手……個人覺得寫得不怎樣嘛，(可能因為看的是譯本)，也不像是有那種煽動人心力量的書。看了一點英文版，被一埋髒話弄暈了orz
現在我在看蘇菲的世界呢，也隨著蘇菲的課堂，找了一點別的書看看，我覺得很有趣啊。
看到樓上各位的回覆，發現自己很多名著都還沒看過啊 0_0  可是又沒有去「修煉」一下的動力…… (飄走)

我只係比人話"似", 好彩我唔係堅喜歡呢個小說

(一陣呢到有人瓜咗入我數就麻煩 )

歐美日本片, 好快個話題轉了入電影了

不要飄咁快嘛~~~返來喇~~

噢唔小心騎劫了，仲駛左去老遠，去到文字同語言都唔美麗既地方 hahaha
不如我吹番去合家歡電影度，希望多d 人有興趣啦。
最近看過既電影係batman the dark knight rise，當合家歡英雄片略嫌深沉，認真地對待佢又覺得佢有d 兒戲，但整體黎講拉curve 之後我還是like, 而且貓女加左好多分。
黎緊最期待既係末日倒數緣結時Seeking a friend for the end of the world。