合家歡電影我就搭唔上咀了.

家陣你由文字轉咗去光影

你好叻可以進入蘇菲的世界仲跟住佢修行，我曾經有買過賈德另一本書“沒有肚臍的小孩”，講2個外星小孩既生活，我覺得題材比較吸引，不過放埋左一邊。
發現自已好多無睇過唔緊要架，成世流流長仲可以慢慢睇，我都係希望在死之前終有一日會睇晒呢幾十年積落既"頁"債 kakaaka

不過還是忍唔住要吹番去三島果邊… 話說除左佢自導自戀果套憂國之外，有一套叫風野郎，仲有佢至愛既名片黑蜥蜴都有佢粉墨登場。
另外今年電影節睇左愛的飢渴，睇完之後即刻拿番本書出黎睇左幾章。
至於我既人間失格亦有電影，不過主角係尊尼事務所一個唔係好食到軟飯既山田斗真做，令我好失望…

其實我都唔合家歡既，咁唯有繼續發放冷空氣吧。

我家有DVD, 三島做男主角.英文名是too young to die 我唔知究竟原本係咩名
佢最顛係佢有一輯相, 有一張萬箭穿身殉教呢...就係佢假面的告白到話睇住來打JJ的畫
唔識風野郎同黑蜥蜴呀
嘩, 我完全無留心今年電影節有愛的飢渴. 我無睇過查XX夫人, 好似呢個西方名著情節都係中女同咗個壯男家丁攪上?
如果搵當代日本女星拍, 黑目瞳應該係最佳人選? 如果係法國代表就有ISABELLE雨蓓份了

太宰個樣...令我忽然想起....稻垣吾郎....LOL....

三島, 我想起漫畫雷朋三世, 但我其實無睇過呢個漫畫

咦Afraid to Die 即係風野郎 wor (thanks google)
你可以去youtube 一下黒蜥蝪
果張J相我都有keep，不過唔係要黎J…
果套11.25自決之日用arata 黎做三島都唔係好夾，arata 太書生，又唔加粗堂眉…
如果西版既悅子我屬意女裝版Tilda，即係kevin 係惡魔未出事前既造型…isabelle 太老啦，令老爺&家丁色心起好難令人信服 XD

Sorry I am love 個造型 好d

afraid to die....係喎, 記錯名 LOL

果套野我唔覺得好正. 最後果幕係電梯死得懶特別仲要CLOSEUP佢個樣

isabelle 太老啦，令老爺&家丁色心起好難令人信服--> XDD貪佢做開呢D變態女人角色咋

比起增村保造其他戲，風野郎既欣賞指數係排好後架，純粹滿足"想見三島"呢個願望。
不過我都只係睇過幾套，我覺得最正係盲獸，另外仲有一套好經典叫 卍（萬字）即係之前文字時段提過谷崎潤一郎果本闊太LES小說 。

我仲有Mishima: A Life in Four Chapters . 我唔識放相係呢到, POST唔到....

增村保造我就真係唔知了 XDDD

Afraid to die, 買係因為有佢真人咋

Mishima: A Life in Four Chapters 好似係幾個小說短篇既故事但係無真人
無見過呢 等我搵下先

增村保造<< 如果你有興趣睇60s既新泿潮(重口味)日本片可以留意下, 佢當年拍既戲仲多過大島渚

另外: 大島渚既御法度除左松田龍平之外更鍾意北野武 XD

有個大叔扮三島架，我覺得三島知道邊個扮佢，佢會極唔高興。而且電影入面有一幕係講到佢好介意自己年華老去，拿拿聲去健身

增村君的野，要得閒搜索下

我比較膚淺，我留心武田真治多Ｄ

Merry Christmas Mr Lawrance有Ｄ瞇未解開（對我來講有Ｄ位我唔明）

例如咩位? haha 不過我未必答到你
通常看到不明所以既情節我會當後現代表現手法讓它過去^_^
我有懷疑大島sir後來上過斷背山
快樂聖誕同御法度都基味好濃

不明位:
1. 究竟大衛寶兒個細佬係咪基? 我記得佢細佬喜歡唱歌, 又有D CAMP, 比同學仔蝦. 然後阿哥好似明知都無幫拖. 咁大衛係咪一直都內疚緊?
2. 為咩佢要無神神咀坂本龍一呢? 表達緊D咩? 而坂本個反應又好大喎. 佢又驚又喜? 佢覺得被insulted?

細佬果part 我唔係好記得佢係咪基 haha, 但好似果件事一直都係bowie心入面既鬼
通常見到有人被欺凌都唔係個個會出黎幫拖
就算果個係你親人都有好多原因唔出手 (lup水, 懦弱, 果刻好憎佢)
可能我睇太多不正常心理既野 所以覺得好正常 hahaha
只有soap drama 先有果d 見義勇為既人出黎幫你捱2刀最後沒2個攬住一齊死既人

Kiss 果part 就明d
因為bowie 雖然係阪本夢中情人
但佢係一個軍官
比一個戰俘當住咁多人面前強吻
好明顯係落佢面 亦暴露左佢既基情

呵, BOWIE知坂本LUM自己??

我自己認為, 日本軍官好欣賞BOWIE. 其他戰俘係他眼中都無骨氣, 而BOWIE係鐵一般漢子.有一種惺惺相惜. 而呢種惺惺相惜踩緊界.

果一場經典. 應該係軍官對戰俘超HARSH. 然後BOWIE忽然挺身而出. 我其實唔清楚佢咀嘅用意, 佢果個咀法係西方禮儀嘅GREETING (2邊臉頰都擦一擦, 咀發出聲但不是真係咀). 我唔知究竟佢用呢個形式去表達緊什麼. 而軍官有可能唔明白呢個"禮儀", 認為係一種insult,但又暗暗CLICK中咗內心深處嘅一D野/慾望. 所以對呢個出其不爾舉動的震撼令他失態. XDD

我感覺唔係manner，佢係想救人先走埋去攪佢既，可能就係因為佢心入面既鬼以前曾經lup過水, 今次決定要挺身而出做番d 野…
至於點解係kiss 唔係其他野，可能就係因為知道阪本嗒佢糖，本來佢一直企硬唔就範，更加唔會比佢"嗒"，去到呢刻佢決定豁出去，有d "你咁鍾意丫拿，比你啦比你啦! 睇你點∼" 既報復心態… 所以阪本就比佢激到崩潰勒

[回到被劫前]

誠品終於開幕啦，遲d可能會weekend會開24小時添。
對誠品好有感情所以好大期望，希望唔會失望啦!

已經幻想緊約網友晌金庸書架下手執倚天為記呢d 老土既情節了。