有少少長我想比大家知清楚D但又或者可能係我想記低我驚我唔記得
12月7日我好朋友知我dry得過份果晚佢叫我出去同佢d舊同事飲野
果班舊同事其實我之前已經見過哂但一d都唔熟只係hi bye frd
入面有一對 lescouple + 我好朋友&佢gf + 一個女仔
而呢件事既主角就係零丁突章果位女仔- 叫佢P啦
我好朋友約左我係cwb等因為公司有少少手尾要搞埋
所以平時唔中意遲到既我果晚遲左少少感覺有點不好意思 (因為同佢地唔熟)
幾經辛苦迫左幾個站地鐵終於到timesquare 一上電梯...
我見到我好朋友同一個我完全唔識既女仔係度傾緊計我以為佢撞到自己frd
點知原來係P... 我果下都用左我唔知醜既語氣同佢講第一句野
"喂妳出街化妝著衫真係同妳返工完全兩個人!"
佢果下都打左個突但個心其實好開心我讚佢"係咩?多謝"
就係咁我地由呢兩句說話開始左我地既故事....
我好朋友+P果晚係CWB食完飯就過左TST諾士佛臺做我地今晚主要做既野 - 飲酒
係行過去既途中.. 我一直都同緊P傾計我講笑話: 喂想點呀兩對情侶咁樣會顯得我更dry囉
P淨係係度笑因為佢本身都唔係點講野之後我就好大膽講左句:不如妳做我一晚女朋友等我冇咁dry 佢都係陪我玩既心態: 好呀
途中因為佢電話冇電佢怕媽媽搵唔到佢我叫佢飛線落我度
經過飲完又轉過場之後我發覺我有d唔捨得今晚因為我唔想到听日我同佢就變返普通朋友
Finally 我係TST搭的士送左佢返屋企 (佢住新界北) 佢有係的士度問我點解要對佢咁好
果刻淨返我同佢兩個 (唔計的士司機) 果下FEEL到兩個都認真MODE左我帶D醉意答佢:有時有D野會不計較結果既...果下尷尬完又好正常傾返計XD 果晚簡直覺得有講唔完既話題
就算係好遠既車程我突然都覺得好短......
之後我就原架的士返我自己屋企沖完涼我就收到佢MSG報到佢話佢醉左...
待續...
|