上月去香港女同盟的聚會 談到「拗直治療」

不說不知道
原來很多女同也試過「自我拗直」, 自己迫自己做返「直人」
大部份方法都是從「表面」入手：
留長頭髮、穿女裝......

我都試過, 更差的方法也做過/___\

朋友們, 你們接受到自己的性取向嗎?
如果接受不到, 可有曾經想過, 甚至做過「自我拗直」的事?

分享下做過D乜丫~

我本身都係女仔打扮。

我所以主要思想上自我拗直
洗自己腦「可能自己係bi」之類
我亦試過好努力幻想自己可以同一d較熟的男性朋友一齊

試下看正常/男男porn掛。
結果我都係當自己係男的角度看。

或者diy的時候迫自己YY男的…但 其實無女個part 的fantasy…都幾難去到…

我又唔會搵男朋友試下既…最憎人用試下的心情對待感情

下!!!邊個係你?!我同女友都有上喎!!!

我接受到. 而我曾經去留長髮電髮, 出EVENT著過唔太高的高跟鞋+SKIRT+MAKE UP,同埋戴過一次咁大把PUSH UP, 只因為我覺得成日B LOOK好悶想突破.

結果, 自己真係可塑性甚低, 比人小到飛起, 自己都無癮. 都係著番平時咁LOOK, 自己舒服, 人地對眼亦舒服.

同埋我從來都著女裝衫鞋, 反而近年有著下男童裝咁咋

其實咁既，我係單親家庭 跟左媽媽住 所以一直對男人好感無乜 但我一直個夢想就係自己可以組織一個完整既家庭 揾個好老公，生個小朋友 咁就心足
但耐何我一直由細到大都無對過任何男仔有興趣 曾經有個男仔花好多心思追我，好鐘意我
但我就係無辦法去愛上佢 試過同男仔拍過一次拖 但完全無sweet 既感覺  反而由細到大都愛上過好多女仔 我曾經都tum過自己其實可能係bi 呢 但最近先發覺其實感覺係無得逼 係唔鐘意就係唔鐘意 感覺係無得逼 愛上邊個人亦唔係自己可以選擇  宜家我揾到個兩情相悅既女朋友 經過左好多事先好難得一齊到 因此更愛大家
所以各位唔洗逼自己變返直 要欣賞宜家既你 proud to be a lesbian  
做返最真最舒服既既自己就可以了

[ 本帖最後由 happyalways 於 2012-8-1 10:34 編輯 ]

嘩...你ge經歷同諗法都同我勁似............

竟然 我由細到大都係男裝打扮
因為屋企人都係咁 短髮t shirt 波鞋 從來冇人會話我有問題

試過著得女性化少少(h&m d女裝恤衫+貼身褲), 畀d frd狂問我「你做咩事呀??」
哈哈!

o個陣迫自己著得女仔, 因為同男仔拍拖, 唔想man過佢 (雖然佢口講唔介意...但有邊個男仔鍾意女朋友咁)

我係接住煒煒之後第一個發言ge阿書呀=D 你呢??

咩叫yy男呀??

或者?? 哈哈! 賣關子! 衰仔!

我都成日迫自己諗「我係bi」係咁洗腦
不過同男仔拍過2次拖 就知咩事了......

其實我稔呢度好多人有得揀邊個唔想搵條舒舒服服嘅路去行 , 接受得到邊個唔想搵個自己好愛 , 而佢又真心愛自己嘅男仔結婚 , 組織一個幸福家庭 , 受世人祝福

雖然我宜家我仲細 , 但我女朋友大我十年以上 , 好多未來嘅事雖然未知 , 但唔多唔少我地都 plan 定 , 如果你問我 , 甘唔甘心咁過世 , 其實無話甘唔甘心 , 雖然未知將來嘅事會係點 , 亦未知會遇到咩人  但我相信呢一刻我已經遇到一個真心愛我嘅人

我全家都知道我係les , 但做得屋企人邊個想自己嘅仔女係 les / gay
佢地的確有佢地嘅期望 , 面對呢d期望我有時都覺得有d對唔住佢地 ,
但耐何 , 感覺嘅野我真係控制唔到 , 我真係接受唔到同一個男仔一齊 , 世事就係咁無奈
另外就係 當你自己都睇唔起自己係一個les , 點期望人地會認同你
每個人都有唔同特質 , 有時學識下接受 , 欣賞自己 , 愛錫自己多一點 , 咁自然吸引到多d人去愛你

羨慕你搵到個比自己大的女朋友 我喜歡比自己成熟的人

我跟你相似之處不單在於想法, 還在家庭背景

你找到值得一生堅守愛的人, 難怪你如此堅定
起初我想拗直自己, 都係為左屋企人
識左男朋友之後, 好心急帶佢見晒家長...
屋企人好開心, 因為由細到大, 我帶親返屋企都係女仔
有朋友都有女朋友, 當然, 唔會畀屋企人知係女朋友啦, 最多係以「好姊妹」介紹

我知我辜負了這個男仔
他很好 先不說外在條件 他真的很善良 很溫柔 很疼我
我也對他有好感 覺得他能給我安全感
只是他一擁抱我或牽我的手, 我就很不自在
每次想像要和他接吻, 我都會起雞皮......更不要說想像「性」方面......
這樣我根本不算愛他吧?
只是留戀他的溫柔、對我的包容

我真的很自私, 真的很自私

如果你會後悔的話，其實也不太自私吧。
我覺得在香港的les大概都考慮過試下，
尤其對對方有好感，一時分唔清係友情/戀情，自然會比機會自己試下可否同男仔一齊。
因為教會學校、傳媒、家庭，身邊大部份人都會不知不覺同你灌輸，les唔正常、好可怕甚麼甚的。

或者我算幸運. 我從來無叫過自己試下男人, 亦無壓力

最離奇係小學果時連男同學都"知道"我喜歡MISS (不少人小學時都小丸子LOOK,我都唔例外  ) 我好記得有個"壞"男生係聖誕卡上寫咗句, 唔知點解你同其他女仔唔同, LOL

可能人細鬼大, 我記憶所及四歲已經"暗戀" MISS XDDDD

我知道自己係喜歡女仔, 好似理所當然咁, 同D直人覺得"愛上異性"好正常一樣

家人好似都一直認為我係男仔頭. 我小四時已經唔多著裙, 但係"大場合"又自動著(覺得是禮儀吧, 天真呀真係XDDD)

唔可以話佢地人人都100%接受同性戀呢回事. 我知道更大原因係, 佢地尊重我呢個阿妹.而佢地亦唔敢直接拿出來講. 對我來講, 呢一份河水不犯井水的尊重, 已經好足夠.

可能我份人太自我, 加上沒有家庭壓力, 出面的灌輸, 我是知道的但又唔多理

對男性, 可能我家庭中男性的形象唔太差, 所以我唔會對男性太反感, 但我又唔會精神上愛上. 我欣賞男性肉體, 但我又唔係要去以身作則 XDDDD