是咁的
我同我女朋友一齊左幾個月,我有幾個好知己,佢地之前都無理過我同之前EX啲野
但今次佢地覺得唔妥,出聲話呢個女仔唔夾我
佢地喺whatsapp group有講過我女朋友啲唔好野
咁岩,我女朋友拎左電話黎睇,佢睇到哂
之後
我女朋友就好憎佢地
覺得我無用,人地話佢.我唔保護佢
覺得我重視朋友多過佢

成日要我簡要佢定要佢地
要我放棄是但一邊
如果我唔簡佢,就只有分手呢個結果
我唔明,點解要簡
點解唔可以共存
我唔想分手.又唔想無左一班好朋友
呢班好朋友,係讀大學識,而家出黎做野一定識唔番呢D朋友....

如果我應承佢放棄我啲朋友  我都唔會開心  同埋我真係做唔到
如果我放棄佢 我都會唔開心  因為我會失去佢
我真係唔知點簡......

雖然唔知樓主你大約幾多歲，但個人覺得你朋友及你女友唔太成熟之感？(唔好介意)朋友方面，所謂一家唔知一家事，我自己就覺得對其他人的伴侶唔應該加插太多意見，除非當時人(你)主動問及。

至於女友，無可否認被伴侶的朋友講唔好既野，感覺當然唔會好左去邊，但冇必要強硬地要求對方跟朋友斷絕關係，仲要用分手黎威脅？雖然佢既重點係想你將佢放第一位，想你重視佢多於朋友，但我諗佢似乎唔太明白有時咁迫法係會迫出一個反效果，同時對件事又冇幾多實際好處？真正的保護唔係用把口去罵返講佢壞話的朋友(當然當時都應替女友講返幾句好話或打完場，唔知你有冇咁做？)，而係用行動表示，你唔會因其他人的閒言閒語而影響到你地的關係，而且你最重視同愛護既人係你女友。