@口@ 竟然係咁

咦，氹仔喜x登 ？好幾年前住過
當時我地兩個人一間房
隱約記得第一晚瞓得唔好，攪到個人燥火上升
第二晚又蒞過，半夜我坐起身大聲話你煩唔煩！
之後就瞓得好好

喜x登 開左都唔夠一年,妳係咪記錯第二間?

哎吔，我得咗腦退化症，好大可能記錯。等我問問我朋友先

哎，朋友覆咗我，it's Hyatt Regency Macau

無記錯的話係一種腦部"錯覺"(似曾相識, 未去過但覺得去過)

但有D人會話係咩前世記憶

講下恐怖野先

以前聽朋友講自己朋友經歷. 我都見過朋友的朋友, 我唔知究竟係講真定假

話說呢位小姐A, 被迫同男友B分手. 原因係B唔想連累佢.

B係細細個大病一場之後就有陰陽眼, 話從此見到好多恐怖野

A本來唔信, 後來發生兩件事, 令佢信十足

A個阿公死咗無耐. B有次忽然話, "我係你果層的後樓梯見到你阿公, 佢仲同我傾計"

而傾計內容涉及一D只有A同阿公先知道嘅野

A已經覺得好邪

有日AB拍拖各自返家時, A總覺得有D野跟住自己. 去到等LIFT, 入果時又忽然攝咗個"人"入來, 佢一直DUP低頭唔望人, 按咗14樓, A先按自己果層(比14樓高). 14樓到, 個"人"就出LIFT.

A返到屋企之後, 就收到B來電, 問佢係咪有個人入LIFT按了14字

A就覺得好驚訝, 點解B會知? B話, 你真係好彩, 如果你按LIFT先過佢, 或咁啱按14樓以下的層數, 果個"人"一定跟住佢

原來靈體係好鍾意14呢個數字

B又話, "其實係我地各行各時, 我眼尾已經見到有D野架喇"

係AB一齊時, A真係黑到無可再黑, 亦開始FEEL到靈體, B決定分手, 唔想再連累個女仔

(信不信由你)

以我阿媽同家姐"似塵塵"既說話
靈體係用顏色分類的

她們見過白色的靈體, 一般都係自己屋企人, 唔會傷害人類
我家姐話佢見過紅色靈體, 佢感受到那靈體的怨氣很可怕

至於, 根據我屋企果兩個女仔既講解
靈體一係舊o野, 你正面雖然睇唔到佢既面貌, 但卻心裡感受到佢係男定女, 咩年齡, 咩樣子, 高度

雖然我無第六感, 但我試過同家姐有一樣的經歷 - 靈魂跳出身體, so far 試過兩次 唔知係發夢定係堅, 哈哈! 唔知大家有無試過?

下午我瞓著了, 然後起身.... 如常出了房門, 坐在沙發, 打開電視睇卡通片, 然後睇左半小時左右, 又熄了電視, 回房間諗住開電腦玩。點知見到自己瞓左係床度, o 晒咀!! 仆街喇~ 然後, 我就瞓番落床, 跟著思維同身體爭鬥完十幾分鐘, 我就嚇醒了。但我唔肯定既point係.... 我上網搵番頭先睇過既卡通片, 的確同我發夢中既卡通片 / 內寄係一樣的

以上呢兩個都幾驚

我自少已經成日比鬼壓,初初好驚,但壓得多都慣,到後來只有憤怒,因為阻住訓覺,罪大惡極

覺得最驚有次又係比鬼壓,個次又係全身唔郁得,跟住好嘈好嘈,好多人講野,但又聽唔到佢地講咩,之後突然間有人係我耳邊大聲尖叫,個刻真係好驚,但又郁唔到,我掙扎左好耐先掙開到對眼,到郁得時已經成身冷汗

發夢發到JAM線? XDDD

一定係, 我要睇精神科

凡有搅賭既地方，賭埸D人都會叫D師夫請”朋友”黎睇場。。。

房。。。就烦到你没得瞓，想你去賭埸玩


賭埸。。。就拉住你腳，唔想你離开張枱


呢D係搅賭埸生意行内人既公开秘密，。。。係大廳，有時賭客明明赌得手風順，又win紧錢，突然會有D唔係同赌枱人走埋黎，會跟你落注，個D人都係要注意下。。。輸左就即走，唔好追。。。少賭怡情就算啦

[ 本帖最後由 yanyan12345 於 2013-7-9 07:27 編輯 ]

呢D偏門野果然都有邪氣

咁唔賭$嘅"朋友"點攪我都唔賭架啦.....

有無姐妹大迷信, 又TAROT又八字又紫微又求簽又四面佛等等?

都係個句，要定力好至得，所以好多人講，时運低就唔好去，行過門口都可免則免。
另外，某D艺人都會請”朋友”，明明個樣好普通，又没咩實力，点睇都唔會红，但偏偏又會红到發紫，人人比job佢地做，就係因為拜左狐仙，養鬼仔，古萬童，種生機等等。。

講起呢樣野, 就分享某位過氣(無聯絡好多年了)朋友嘅事

呢位朋友都算得上女版陳振聰(叫住阿聰先啦), 邊個神有著數就痴邊個

阿聰係未忽然學SAMMI唱耶穌之前, 係極之大迷信. 成日花$去求神問卜

唔知邊個八婆介紹咗個高人佢識, 呢位"高人"係普通師奶一名. 話自己唔係為$, 因為幫人係唔可以真係收受利益喎.....會轉個手捐番出去咁話

高人話可以幫阿聰"升運". 我唔知究竟攪D咩儀式升運啦. 而事後一段時間之後阿聰改信耶穌, 都應該無將好運give credit比阿C9高人了

我估, 會唔會係好似簽卡咁, 借你自己將來的運氣, 先洗未來運. 咁等於小心收尾幾年.......

係好人既.....就唔會打曬開口牌話自己唔為$.....呢D野,多D"街頭智慧"就知係神棍一名...

AGREE, 借左唔洗還人人都去借啦........

睇下D藝人就知.....影倒佢地時時去泰國玩,又乜又物鬼死咁開心.......,,..真係淨去度假咁簡單咩....唔係個個讀者都傻架.......沒比記者影倒既,不計其數啦........

[ 本帖最後由 yanyan12345 於 2013-7-9 16:55 編輯 ]

我覺得D人無自信,太天真先信呢D嘢

btw, 我有個舊同事係鬼妹 (大家差唔多年齡)
佢同佢男友遇到感情低潮時, 走去問占卜
個占卜師竟然叫佢同男友分手
佢又真係信, 主動提出分手。
後來後悔了, 幸好佢男友仲對佢痴心一片, 年尾會結婚

我覺得呢d 堅係不可思議

求人不如求己