樓主不斷UPDATE為情自殺新聞只為力証自己講野係啱吧
咁呢D新聞其實又可以証明到D咩?
亦有唔少新聞講D年輕人因為考試壓力而自殺的
樓主只睇到愛情負面一面, 然後狂去搵野証明負面呢一面, 其實同一樣野都有好多正面例子(愛情勵志/人性光輝的一面)
當一個人因為愛情而苦, 而係次次都係, 好自然埋怨愛情不好. 當一個人受惠於愛情正面一面, 影響深遠, 又自然會FOCUS愛情溫暖一面.
如果一個人為情自殺, 有無想過其實佢地自以為係愛情, 其實唔係呢?
死者以矣生命無TAKE TWO, 無可奈何. 果一刻佢地認為天下間最重要是被人飛/愛情失敗之痛, 係真真實實的, 唔係假的. 或者樓主覺得好傻好唔值得, 可能佢地有機會都會後悔, 但希望你唔係懷住"搵證據支持自己言論"的心態而去UPDATE大家, "拿我都話咗架啦又一單啦!" 嘅出發點來UPDATE啦.
如果樓主咁有心去想個世界唔好太FOCUS係愛情, INSTEAD OF 係呢到講野, 會唔會已經係生活上叫身邊人唔好冷落人生其他關係同環節?
|