標題: 女同志快閃塗鴉
無頭像
scandal
註冊會員
Rank: 1

帖子 93
註冊 2013-3-12
用戶註冊天數 2814
用戶失蹤天數 2633
狀態 離線
發表於 2013-7-12 11:43 
113.253.52.98
分享  私人訊息  頂部
http://hk.apple.nextmedia.com/news/art/20130707/18325749

「不用閃避,為我喜歡的生活而活」、「別怕,愛本是無罪」。尖東海旁的電燈箱、理大對出的天橋底,還有火炭水渠旁的石屎柱,不難發現一個又一個七彩繽紛的歌星頭像塗鴉,印着動人歌詞,引人注目。這些在城市閃現的彩虹,原來都是阿Ken與朋友的傑作,「香港人好大壓力,希望勵志嘅歌詞可以為呢個城市帶嚟多啲色彩,鼓勵自己,也鼓勵別人」。
記者:呂麗嬋

八十後的阿Ken是街頭塗鴉組織「Pride in Rainbow」的發起人。彩虹泛指同志,香港彩虹是同志組織。本是女兒身、卻改了男孩英文名字的阿Ken,不諱言自己是女同志。不過,不願正面上鏡的小妮子強調,由與女拍檔二人行「即興上街」塗鴉經典歌詞「訴心聲」,到結集成10人午夜團隊,「一個月總有幾日出動午夜上街」,非單只想為同志發聲!
「歌詞感染力強,由約翰連儂嘅《Imagine》渴望世界大同,到哥哥嘅《我》鼓勵人過自己想過嘅生活,都係美麗嘅願景,不但同志,也適用於所有人,要做喜歡嘅事,越來越奢侈,確實有幾多人做到?」男仔頭的阿Ken無奈地說。就像大部份同志故事,自小便愛作男生打扮的阿Ken,上中學時已確定自己的性取向,「早年有掙扎,𠵱家冇囉」。

■歌星黃耀明與繪畫他的塗鴉頭像合照。互聯網
藏身暗角最感安全
從未帶男友回家,家人「唔問唔提當冇事發生」;同事一知半解,她又從不明言,心頭壓着盡是不能說的秘密。「近半年,多咗人講平權,老實講,好多時社會只會通過你嘅成就,去肯定你嘅性取向」,明哥(黃耀明)以至女歌手何韻詩出櫃被接納,甚至贏盡掌聲,不代表像她一樣藏在暗角的小人物,可以有同等待遇,「邊個唔想出櫃?但擔心連份工都冇埋」。
「好似W小姐勝訴,我會靜雞雞聽吓同事點講,摸索吓佢哋會唔會接受你。」Pride in Rainbow,仍只是她美好的願景,她不諱言習慣藏身暗角,午夜,她最有安全感,「之前同志遊行我哋想聲援,但唔想露面,就想出喺遊行路線畫啲七彩噴畫,以示支持」。引起共鳴的歌詞閃現城市不同角落,引人注目,連明哥本人都與塗鴉頭像合照,放上面書分享。

遇警巡邏差點落網
現時活躍的核心成員有學生,也有從事設計及文職工作的上班族。有同性戀者,也有異性戀朋友。偷來下班放學後休息的時間,半夜走到街頭。像這夜,晚上11時才放工的阿Ken,吃過晚飯,就來到上環小巷「開工」。一行五人到達「目標小巷」,即有默契地分工合作,有人掏出預先做好的歌手頭像印模,有人用手托着印模噴上顏色,其中兩人在巷頭和巷尾把風。
行動迅速,阿Ken笑言只因日子有功,「塗鴉係違法,大家係新手,兩個人四隻手六種顏色,好狼狽」。有次還差點落網,「我哋太埋頭埋腦,有個警察距離唔夠20呎,大聲問我哋做緊咩?即時嚇到彈起,拔足狂奔,好彩嗰兩個PC連追都費事」。有驚無險,惟有快閃,她在面書就開了群組,大受歡迎。
「我最感動係有異性戀者喺面書留言,佢話佢唔鍾意同志,但佢同意大家都有追求過自己生活嘅權利」。為喜歡的生活而活,跨越性別年代的歌詞,連繫着互不相識的人,「很多偏見來自不了解,塗鴉係不合法,但我哋希望用溫和又容易引起共鳴嘅方法,築成橋樑」。忘記他是她,阿Ken笑言但願夢想有日成真。


littlefung17
註冊會員
Rank: 1

帖子 29
註冊 2012-8-19
用戶註冊天數 3019
用戶失蹤天數 2637
狀態 離線
發表於 2013-7-12 13:01 
168.70.55.70
依家行街都會留意下有無塗鴉,佢地令條街好玩左好多同好有愛
希望佢地唔會俾人捉到


 

此網站將關閉,請到 www.limehk.com