有人跟男生拍過拖嗎？

我第一個是和女生拍的。（讀女校，當時我是B）由中3到中5 都在一起。
因之後我要去加拿大留學所以和她散了。
直到過到了加拿大，才意識到原來我是一個“女生”
漸漸發意原來我不是男生，我是一個女生。
過了幾年，我和一個男生一起了。
但一起三年之後（就是上年）就散了。原因是因為“我令他不像男人”。意思就是我比他更像男生，我保護他多過他保護我。他很想保護人， 所以他不喜歡我不愛我了。

被他背叛過，再加上我自己父親也是一個背叛我媽的人，我已不想再信任何男人了。
我只拍這兩次拖，但我明白，我不可以和男生一起。
因為我很愛一個人的時候，我會下意識地保護他，我不可以像女生般等人來保護，等人來抱， 等人來服侍。。。
我本來只想看看
有沒有姊妹SHARE一下你們和男生一起過的經歷，
沒想到自已說了一堆。因為有回想起來有點不好受。

那你們和男生一起的經歷有令你們有任何轉變和想法嗎？

有啊, 初戀咪係一個男同學, 依家連佢個名我都唔知得
初中果陣時真係純情到一齊打波, 一齊放學, 其實諗番似兩兄弟多d
不過, 我覺得同佢一齊都開心, 只係當擁抱果下真係出事, 因為我完全無feel
依家諗番, 真係對唔住佢。乜都無做錯, 就咁被人飛左~
不過好感謝佢, 令我好清楚自己既性取向

我由細到大都係讀男女校

唔鐘意讀書既我, 因為"目標"係入女校被女圍, 會考時認真準備, 是為了想轉去女校讀
點知.... 成績又唔係特別出眾, 只可以留係原校讀。

其實, 我相信有男仔鍾意比人保護, 又唔介意另一半唔洗佢保護ge

未同過任何男人一齊，亦未鐘意過男人。

又無話因為家庭因素唔鐘意男人。
最多都係因此覺得部分女人真係好煩，好唔爽直，好難相處。
但點知我係鐘意女仔多d。

btw,原來我是一個“女生”指咩？

我相信邊個保護邊個多D, 係睇人夾人. 遇著個你tough過佢既人咪你保護佢多D. 相反就係對方保護你多D. 如果大家差唔多咁咪有時佢照顧你, 有時你照顧佢law~ 唔洗諗太多去定型自己既角色. 一個陰柔搭一個剛強呢種二元思想係必要的嗎? 兩人相處舒服先係重點~

原來我是一個“女生” ＜＜
我是指我一直都把自已當男生看，唔知自已都可以有女生的樣子。到真正同男仔相處
先覺得自已唔夠男性化。

QUOTE:

加埋

QUOTE:

即係你覺得自己比男生更像男生，但也有女生的一面？

well，可能係一直讀男女校關係，所以我唔太在意自己性格有幾女仔。
反正學校裡斯文又細心又感性既男仔會有，又粗魯又粗線條又理性既女仔都會有。
其實無話得黑同白。

嗯…下意識地保護對方，其實無話一定一個只supply，一個只demand架。agree with guardianangel

我想問下你…你係因為唔想同男人一齊而同想女人一齊，定有其他原因？如果你被女人狠狠地背叛，你會點？

[ 本帖最後由 雨花 於 2013-7-26 09:13 編輯 ]

有，大學一年班，喺 physics 個 study room 度做緊功課，做到發自己掹，佢走埋蒞問我需唔需要幫忙。我話 yes, 佢就坐低教我。之後每次去 study room 都見到佢。如是者就約埋食 lunch, 再如是者就開始。拍咗一年上下，硬係感覺不對，就提出分手。He's a really really nice guy, cute too.  佢問我點解要分手，我話 feeling is not right.  我感覺對佢唔住，but, what can I do, I have to be true to my feeling.  I still remember his name.

認同，每人個性不同，有強有弱，樓主只是遇上不對的人而已，清楚自己是喜歡男性的就可以了，繼續慢慢搵啦！

其實我似唔似男仔唔係重點，我只想講同果個男仔一齊之後，我發現我都係比較喜歡同女仔一齊。我唔係想話男女一齊一定要“一個陰柔搭一個剛強”，但現實係，（我唔係指一個男人唔好就等YU所有男人都唔好），男人們的確係有呢種思想，女仔剛強D會HURT到佢地自尊心。同男性朋友還好，因為同朋友之間無咩性別之分。總之做女人就要係男人面前扮傻，讓佢地，等佢地覺得PROUD。
講真。。。我唔係唔想同男仔拍拖，但佢地有呢種諗法我真係唔知點同佢地相處。

﹣你係因為唔想同男人一齊而同想女人一齊，定有其他原因？
是的，我比男人嚇怕左了。我懷念同女仔一齊嘅感覺。同埋我有對某個女仔有心動。想同佢一齊，但現時唔太SURE佢想法住。

如果你被女人狠狠地背叛，你會點？
好問題。我諗我會想死，當下會覺得男女都不可信任，只好獨自一人生活下去吧？p.s 多謝雨花還有其他同學認真地和我的討論問題 ：）

[ 本帖最後由 沙灘企鵝 於 2013-7-26 19:33 編輯 ]

嗯…我覺得…如果你被女人狠狠地背叛又唔洗咁絕望既。一個人可唔可信同性別無關。
其實男人個case一樣。總有d男人buy剛強女仔/smart女仔。

希望你同個女仔有好進展啦。

第1次拍拖係同男仔. 大個先知原來女仔可以同女仔.
其實無咩特別. 都係咁上下. 係我角度. 鍾意係1個人. 唔係性別既.
但同女仔1齊. 同同男仔. 係2回事.
BTW. 個陣同男仔拍拖都好. 我而家諗返起. 我仲MAN過佢.
但我好ENJOY而家畀人TAKE CARE. (雖然我潛意識/有意無意同樣地TAKE CARE返佢.)

[ 本帖最後由 J__ 於 2013-7-29 21:47 編輯 ]

謝謝你提起了一重點： ”鍾意係1個人. 唔係睇性別既“
我唔會只睇以外在原因去批判一個人／一件事，

我一直都懷住呢個概念去做任何野，，，但我呢次竟然會為呢個人而忘記自己原則。

認同。性格、興趣、人品...........同性別係無關既。

等我又講下~
我算係第一個同男仔一齊，一齊左一個禮拜
果個人好串，特別鍾意串我（可能係佢鍾意我嘅表現），搞到我怕左佢
聖誕果日佢約我出街，我知道佢可能鍾意我，但估應該冇野會發生，所以出去
點知佢真係握住我隻手向我告白。
我唔知俾咩反應好，所以拉開話題，冇答到
而果個人又好進取，拖住我，攬下我，當正我係佢女朋友甘，想藉此令我變相答應
果陣我係b look，但個樣生成得幾女仔，一望就知嘅果種
不過，我冇拍過拖，甚至好少對人心動
本身煩緊身份證都拎埋，但係唔清楚自己鍾意咩人，好奇怪
多多少少，我諗可能一齊左，我就會有feel，知道自己鍾意的是誰
所以當佢拖住我，甚至吻我，我冇拒絕
喺果刻我先發現原來我都幾open，
我真係完全唔介意，又冇感覺
就係甘，我拖左一個禮拜先講清楚。