（感概）
距離第一次跟女生一起快十年了，驟眼才發現一直跟逃避出櫃這事，好像以為明天父母忽然會自動接受...?
他們知道卻一直裝不知，我後來才知道，然而不停催速我跟男生拍拖結婚
每次聽完都很委屈，更加縮進櫃裡
原來一直拖，眨眼就十年，委屈自己、慢慢淌著心裡血都十年了。
早知道就一早說，爽直地對抗
在此勸各位，別像我一樣，另自己長時間一個人在受傷！！

我1同父母告白左10幾年喇
到今時今日, 我阿媽都繼續問我幾時同男仔拍拖結婚架~
我咪又係答佢: 我真係唔係gay架, 唔好迫我同男仔搞埋一齊, okay?

for me, it is already 7 years since i know i like girls....
stiill have not come out

我咪又係咁...佢地知, 但接受唔到....唉...

個人覺得出定未出都好, 都會有唔同既野要煩, 唔開心

對抗辛苦D定"委屈"辛苦D, 呢D野係見仁見智, 對我黎講, 一定係前者, 我要come out既話, 一定要有"籌碼"響手"好有把握"先會講, 如果唔係要應付一大堆身邊人既(反面)意見係好疲勞轟炸既事, 成件事會變得"控制唔到"


有D野係無早知既, 但既然選擇左就唔好後悔

我覺得父母始終"唔願"接受都算啦, 因為佢o地既年代思想真係傳統
我家姐仲on 9, 有個親戚八卦話介紹個男仔我識 (係醫生, 屋企有米, 又一表人才bla bla bla)
我家姐竟然走來問我有無興趣?! 我聽完屌到佢上天花版
我反問番佢: 若果我明知你同姐夫拍拖好穩定, 有個條件好既男人介紹俾你, 你會唔會覺得我係痴線兼好唔尊重你?! 你咁問, 真係令我對你o地好失望

雖然, 屋企人係見過我女友, 但我知道最深處他們都係希望我會同個男人結婚 (錯覺上覺得有安全感)

不過, 對於我呢種性格既人來講
我係好忠於自己既選擇, 而係我所做既事都係同自己有交代, 唔係為其他人而做

其實2個人一齊 需要向任何人交代嗎??

廿歲之前就會咁諗。

完全同意...如果屋企人係唔接受既....講出o黎只會令關係惡化...咁又何必

我和太太同居了20年, 冇刻意come out, 双方父母及家人都相處融洽。
個人想法 更換另一方式使大家舒服些, 而又可以達到效果。

我都唔想... 唔刻意佢地永遠都唔會接受現實
講出黎有可能令關係惡化，但唔講呢世人都咁虛偽

個人意見only... 唔講我唔認為係虛偽, 我對另一半真心真意, 又唔係做D"極端"野去呃屋企人我係鍾意男人, 只係封口唔講唔提, 我覺得對雙方係最好既處理(我既情況)

情況就好似大家都應該曾經經歷過咁... 身邊既人傳/諗你係點點點, 你直認同你封口唔提, 結果可能大家點都係將佢地既諗法當左係真, 但唔提既話你有得保留D控制權響手

我一直都係採取呢個方法，但長久落去不是辦法...
人大左...... 睇見世界基本上係現實既，D人尋另一半時了解對方若知道你其實仲行出黎，即刻印象分大減...... 係就係話拍拖應該“愛”行先，包容你所有唔圓滿既地方，事實上你將自己留係不利位置.... 等同攣人一般“避免愛上直女”既邏輯一樣，邊個唔想痴埋D會令自己少D煩惱既人？用“虛偽”或者太強烈；但唔再隱瞞，都係對另一半一種尊重同肯定

[ 本帖最後由 fruitless 於 2013-8-2 01:51 編輯 ]

自身經驗+其他人遭遇, 真心覺得如果一段關係沒有家庭的默許/認許, 真係好難走落去

我講緊一世咁走下去

眼見太多人拍十年都可以忽然(或個心已經有呢個想法)要搵男人, 忽然爆出真係唔想再騙父母, 就拉拉扯扯最後都係以"搵到男人就BYE"或"搵到個唔好的男人就KEEP住LES做所謂的知己"

一世做地下情人, 老實講當TOUCHWOOD散了, 你可以想像, EX只需要輕輕講句"同果個FD唔FD了" 佢家人就可以若無其事當你從沒存在過. 個世界除了你自己同你FDS, 根本可以當咩都無發生過

做個實驗, 有拖拍嘅, 5年之後10年之後, 仲係咪同一個女友? 分手原因又有幾多個係因為社會/家庭/個人壓力, 有幾多個純粹係感情轉淡變心去另一LES到?

當我現實, 我今時今日如果忽然單身, 都一定死都唔會同D係父母前扮直驚死得要命(驚死任何人知道/聯想自己同LES)的女人一齊, 呢D人令我太無安全感, 真係隨時犧牲你. 鐘意咗我都唔會認真. NO OFFENSE

我以前就係咁, 隱影人/外人眼中EX的"好朋友", 到現任, 我先知道原來公開的關係係咁舒服, 係咁有希望, 係咁名正言順

樓主既然講到好辛苦好委屈, 我都信佢真係好唔開心咗好多年.

正如HOCC以前都不置可否D娛記點打探性傾向, 到真係講出來舒服好多

而菊姐活到一個年齡都覺得係為自己而活, 唔理其他人點想了

唔係個個都有GUTS去TAKE RISK失去一D野(如家人的愛, 名利, 朋友)換來坦白自己的感受

真係想的, 要想下究竟自己可以take 幾多risk去光明正大. 如果不能就繼續食得咸魚抵得渴

[ 本帖最後由 coincidence2 於 2013-8-2 11:46 編輯 ]

"人大左...... 睇見世界基本上係現實既，D人尋另一半時了解對方若知道你其實仲行出黎，即刻印象分大減...... 係就係話拍拖應該“愛”行先，包容你所有唔圓滿既地方，事實上你將自己留係不利位置.... 等同攣人一般“避免愛上直女”既邏輯一樣，邊個唔想痴埋D會令自己少D煩惱既人？用“虛偽”或者太強烈；但唔再隱瞞，都係對另一半一種尊重同肯定"

好認同, 樓主應該是十分明白人情世故的人吧! 太多人浪漫化太完美化愛情太高估自己情操, 不知道其實愛情都要落實於生活中, 而且係一段可持續性的關係. 理性D睇, "唔受家庭祝福/認可"的其實係持續性方面打折扣, 咁就要睇下雙方可以付出幾多去上刀山落油獲, 可以有幾耐. 而個根基唔穩(只係短時間可以當睇唔到), 日後定時定候就風濕發咁, 再加埋任何感情都有轉淡都有危機之時, 根基不穩的短"莊"的就爛得更快

因為唔易, 我地圈子拍果3年5年已經要開香濱慶祝. 然後唔知幾多人30+40+先來重新開始. 係之後的10-20年人生又有幾多離離合合定定下心唔再戀愛. 係呢個人生的時間長河拉長來睇, 好多野都過眼雲煙, 最真實的只有那杯清茶同孤獨身影了.   

居安思危, 不時REVIEW自己/對方狀況, 定時CHECK, 久唔久要傾下, 命都長D

咁依家會唔會開始改變方式, 盤算點同屋企人come out?

盤算左五年，所以而家要改變方式...

pal, u r girlish type or boylish?
For boylish, usually parents can guess and they will stop nagging when you are mid-thirties.
For girlish, well, u need to do sth.

Ouch, that means I unintentionally gave them false hope by becoming a more feminine looking person..
even tho still a long way to get to mid30s