事緣今日食飽後搭巴士既1小時車程中, 男主角同電話另一頭既(估計係)友人講同女朋友既關係, 本來唔想知佢發生咩事, 但佢坐正我後面, D surround sound攪到我唔聽唔得
太長唔逐句打了, 大意係個男仔話女友近日對佢冷淡左, watsapp十問九唔應, 打電話幾次又唔聽, 佢好詳細咁同電話另一方講返來龍去脈, 想人地同佢分析原因, 當中以下重點:
- 主角經常watsapp及打比女友, 無論對方反應冷淡與否
- 女友唔太想見佢, 因為佢話提出接放工,或到女友屋企樓下求見面都被拒, 女方經常話攰及返工辛苦
- 佢想修補關係, 但佢覺得女友似乎想佢開口講分手(結論源自佢另一朋友)
- 疑似電話中人某意見唔岩佢胃口, 因為佢用不太友善既語氣同另一頭講"... 咁呢樣你又點睇呢, 大師"
我唔係想幸災樂禍, 只係想問下大家幾樣野:
1) 同另一半感情翻波, 問第三者意見真係咁大作用? 最清楚另一半唔係自己?
2) 想人地同你分析, 但遇唔岩聽就"發難", 咁真係聽到有用意見?
大家響巴士又有D咩奇遇
|