唔知有無人開過類似post ...

我估大家日常生活經常會遇到呢個情況, 當某件事出現時會諗"車, 你咪又係咁..."咁樣, 而通常係D唔好既情況先會有咁既諗法 (簡單講係貶義) 而我見到呢個字眼第一件事係諗到阿媽同阿姨A講阿姨B成日背後講人是非, 但唔記得佢都係同一時間講緊人地是非 ....   (請原諒我呢個不孝女 )


唔知大家有無遇過一D好難忘/深刻既例子? 分享下啦~ (但唔係想大家惡意攻擊人)



P.S. 我既例子都係五十步笑百步緊

通常人只會看到別人的不好，相反對於自己的不好會選擇性失明

更多既係有雙重標準, 人地做就好有原則咁正義上身, 自己做就係有苦衷又或者有合理化既理由。

更多既係有雙重標準, 人地做就好有原則咁正義上身, 自己做就係有苦衷又或者有合理化既理由。

50步會以為100步先係罪大惡極, 唔知道本質上係一樣嘅

甚少人會因為50步而覺得自己離100步不遠矣

所以係批評人時, 最好MAKE SURE自己真係無衰過果樣野, 如果衰過就要擺明係過來人身份講有幾唔好

人真係好鍾意合理化自己行為, 要不時提醒自己唔好先得

最好MAKE SURE自己真係無衰過果樣野.....

我見個D係...."MAKE SURE自己真係衰過果樣野"...繼續再衰....係邊度跌低...再係個度再跌多幾次....

大家都講得好岩, 所以我有時會怕自己"開口夾著脷", 覺得人地唔好既野都少出聲, 難保自己呢世都唔犯同一個錯誤, 又或者以唔係批評人地既方向去講呢件事

XDDDDDDDDDDD 衰鬼唔好咁絕核好喎 XDDDDD 人地要"前仆後繼"由佢囉 XDDDD

前排. 有個B不停話我扮成熟其實好幼稚. 但其實成班都知最幼稚係佢. 想人注意. 人地唔同意佢. 佢就唔高興. 我唔係好成熟. 但無佢咁幼稚. 每次諗起佢唔識反思下自己. 就知佢幾幼稚.

唔好同佢玩啦咁 :z28

好多時五十步都係做得唔夠一百步叻或者狠唔抵得人所以話人，忘記左其實自己咪又係咁，好似話人貪錢嗰啲人啦。

好奇怪，我發覺身邊會話人肥既人自己通常離個瘦字好遠，唔之係咪比人話得多要話番人平衡心理，反而瘦既人可能驚比人話歧視唔會咁做。

【太陽報專訊】【本報訊】今次聲援與反對林慧思集會，全因為林慧思作為一名小學老師，有人不滿她當眾向警員講粗口，所以昨日反對林慧思的團體，均以禁止粗口走入校園作主題。當家長聯會會長李偲嫣上台發言時，多次強調老師工作或休假期間，均不應以粗口罵人，更聲言若林慧思老師未能控制自己情緒，理應向醫生求助。豈料李偲嫣本人也不禁激動講出粗鄙語言，最少兩次向喝罵她的人士指罵「你收皮啦！」令台下嘩然。

香港家長聯會提早結束集會後，仍有兩批人士對峙，但就由聲援、反對林慧思變成聲援、反對警察，反對警察的一群年輕市民除了以粗口手勢指向警察，又當眾侮辱警員說：「×你！警察變公安！」多名支持警察的休班警員及退休警察懷疑不甘受辱，即時以流利粗口反擊：「×你老母×家鏟，你班死廢青，書都未×讀完就出嚟搞事，返屋企收皮啦！」當反對警察少年向數名退休警察再「挑機」時，退休警又即時還擊：「×你老母，你×乜×嘢呀，你夠膽講多次啦。」最後兩批人散去時仍繼續「×來×去」，粗口聲此起彼落響徹西洋菜街。

都唔知邊啲人先最教壞人