講到唔受到尊重,

我分享下先
我做過兩間公司 A公司個老闆都好尊重我
唔會攻擊我 仲對我好好 同普通朋友係無分別
但相反B公司個上司就講埋一堆無厘頭
例如話係SEX個方面你唔會感受到= =

兩個都係男人 我唔想一概而論男人都係用下面諗野
但講到唔受尊重 我相信各位都有更什既生活例子
你地會點面對 ?

曾經遇著位同事唔知點解好討厭b (我係b)
每次見到b經過/入舖頭,就指手劃腳話人死基婆,同好多說話!
佢指手劃腳個時,會指埋我,不停係咁講點唔鍾意
初初都會同佢講下,想了解下佢點解咁憎b,後來發現佢係無原因咁憎
次次佢發癲,我只係唔出聲,耐左其他同事會出下聲話下佢
但每次遇到b,都一定要聽佢d難聽說話,要聽到佢自己收聲為止

我想知個同事幾歲B都係人 如果佢變成比人指手劃腳
成為話題個個人 佢自己都唔會好受
佢好唔尊重人WOR

個時佢就三十..我都有同佢講過,d同事都同佢講過
佢都照係咁..講野真係好難聽,我都唔明個時自己點解咁認得
同d朋友傾過,佢地都話呢個人好過份,,最後我頂佢唔順辭職(唔只呢個原因)
其他同事都知我因為佢而走,都問我係咪佢成日蝦我先唔做

我呢幾日都唸呢個問題…
因為我ex好怕人地目光 怕被人指點冷言對待
一直都唔敢響街拖手until同我一齊.
初頭我唔明點解咁驚青…
然後發現 幸運地我無點遇過無禮對待
中學女校 都無咩嘢 同學老師都好open
到中六七轉校 熟我小小嘅男女同學 都知我取向
佢地無好抗拒 但會好奇 因為無點接觸過
到返工 差唔多九成都女仔
因為做設計關係 都有gay有tb,
同designer都比較open-minded (我覺得)
所以有啲同事都知 當然，係比較熟同問我我先講啦。
響街， 由於我同ex都係女仔打扮，
我發現啲人會望得比tb同g一齊多 (！)
咁最多咪望兩眼囉 我又唔care ge.

所以…其實我唸我好lucky, 我並無覺得會不被尊重

咁佢真係好過份 我自己個心都會唔舒服啦
有人會睇起上泥覺得因為一個人辭職好蠢
不過 實際受傷當然係自己啦 其他人點解身同感受

哈哈 咁你真係幾lucky,
公司9成都係女仔
仲要係design呢行發展既人係思想比較接納
真係每個人際遇唔同
如果呢個世界多D人接納我地
少一分無禮 多一分尊重咁就好啦

我唔知呢個case叫唔叫不尊重，可能只係o個個人short Q咗
我試過同ex食完晚飯行天橋，冇乜人
有個男人唔知係咪飲醉咗
o係後面行上前望我地一眼
然後講粗口（應該係，因為佢好含糊）
佢落咗天橋中間一條樓梯後仲企o係度望番上黎唔知大聲講咗D乜
當時我係有少少怯o既，從來未試過o係街上俾人喝／鬧的.......

聽落就似飲醉酒
我係你都會怯既 因為如果衝上前同佢爭執
佢可以做D野傷害你或者你既EX
相反 如果佢唔係飲醉酒 而自己受到語言攻擊
你又會唔會走上前同佢講呢?

好耐以前凌晨同一個b 朋友在尖咀街頭，有班0靚仔圍住我地大叫“去磨豆付“ 啦，果時細個，個心有d 難受。

但我唸而家社會開放左，0係街都少左好多人眼望望，我唸因為好多藝人都公開自己性取向

要講乜？
多數都會唔理，若果真係繼續不禮貌，都係只係爆粗回禮走人
因為根本講黎都冇用

我聽完會有D野"UN"住個心口
好似有話說不得既感覺

有時遇到呢種事 唔知話自己大方到可以唔理
定係怕事.. 呢個係我個人諗法 好似我上司咁

我都算LUCKY~係公司的D人都是OPEN~唔會太過問私人事情

我都有表明我喜歡女生，之後久唔久就會叫D新同事小心被我食(講笑咁講

不過唔知佢地有冇當真，成日都話介紹D男仔比我識，仲話找個男人嫁左佢

[ 本帖最後由 憧憧 於 2012-8-19 20:29 編輯 ]

haha 你d 同事應該年紀同你差唔多
都幾愉快咁 可能佢地係知你性取向
但都想你揾個男人 佢地好可能手頭上好多貨 哈哈

呵呵~他們大我7~10年

有很多好貨也要等我哪一天會對男生動心吧

但不知道為何在他們眼中我是攻

在我生活裡，無感覺唔尊重，有試過同ex 行街比人望，但只係佢打扮得好睇，就算係直人，在街上過份親暱都會惹來途人目光。

至於工作上，公司很少喜歡將是非當人情嘅同事，性取向反而不是話題，被指點的是唔坦白遮遮掩掩嘅人。

以前舊公司個個同事都好錫我當我一家人咁
當知道我係les之後表面上就話由我自己中意
其實有時有意冇意間都會講話咁樣冇將來冇得結婚生仔咁
我知佢地係為我好嘅
但有一次有個媽媽級嘅同事問我洗唔洗去睇心理醫生個時真係唔知好嬲定好笑

我公司d人勁保守...勁恐同
一見到何韻詩D新聞就鬧「呢個死基婆, 勁噁心」
其實我覺得是有意無意畀說話我聽......

另一個阿頭係好人o黎ge, 但會擔心我係同性戀, 有時會chok我：「你唔係ga嘛? 我知你唔係ge! 違反自然ge野我唔接受ga!」

點呀..................=________=

忍左佢好多野先辭職,佢成日搶我單,要我食佢d死貓又成日借d e打我,真係一拳拳打埋黎,打到瘀哂!
個時三日唔埋兩日就要捉d朋友聽我訴苦.開解我.最後忍都左大半年先唔做