有感而發.

為何現在都沒人肯承認是自己變心/移情別戀?
而總是把責任推到對方身上?

曾經愛過. 有必要在分手後唱衰對方嗎?

其實分手何必搬出1大堆似是而非的理由呢?
到底是想說服別人? 還是想說服自己?
只要說1個最充分的理由: 我不愛你.

分手後. 跟別人力數對方不是. 然後就說是受不了才分手.
但卻隱藏了最重要的1個point. 分手同時已經有了新歡.

其實. 如果你曾經愛過對方. 怎會捨得分手後也傷害她?
1邊極力力數對方不是. 1方面卻絕口不提自己早已移情別戀. 這. 算什麼?

個人覺得. 如果是自己變心了. 要分手.
不需. 也不要. 傷害對方. 說她這樣不好. 那樣不好.
只要說1句: 我不愛你了. 我喜歡上別個.

簡單. 直接. 不要把自己的錯. 推在別人身上.
的確. 把責任推得1乾2淨. 會使變心者心裡過得好過1點.
但騙得了全世界又如何? 何必要1次又1次傷害對方呢?

只是有感而發.

早2天電視翻播"前度".

只能說. 可以有選擇的人都不懂得珍惜.
早在身邊的不是不好. 甚至已經是最好.
但是. 人總是喜歡去找尋1些得不到的東西.
得不到才最珍貴吧. 太易得到. 就只會浪費. 這些例子聽得太多太多.

都唔知可以講咩好~~你講冒野會令我諗返起上一段感情

因為承認變心 = 承認自己係衰人
唔想做衰人 ---> 搵個理由分手/迫對方講分手

情況就好似有d人明明為錢同某人一齊, 但又唔想承認自己咁低俗
於是不斷同身邊人講某人有幾好幾好, 想證明自己唔係因為錢而選擇某人

咁樣自欺欺人其實好無謂, 唔肯面對最真實既自己
自私就自私得坦白d, 係pk咪大聲講 : 我就係咁pk!

過左去lu. 姊妹向前望.


you got the point!!
勁buy你個句:  我就係咁pk!
好可惜. 個個都要扮好人.
所以我覺得. 肯認自己衰個d反而無咁衰.
唔肯認衰仲要扮好人個d就真係衰到貼地.

一段感情要去到分手嘅地步都唔會係D咩開心事，何苦仲要相互去傷害對方，直接的一句我不愛你了會不會比唔同的理由更加好？

哈！嗰個同我分手既理由係：我覺得妳已經唔適合我，而唔係，我唔愛妳喇

The funny thing was, 開始既時候佢同我講：我覺我地好適合對方，我地一齊啦

睇完段野唔知可以講咩好...

我就係唔明點解d人係咁
做衰人,又唔肯認自己係衰人,但做緊既野又明明係衰人

我唔會架,我衰,我會認,我唔會唔想承認自己係衰
我係一個好勇於面對自己同接受自己既人

我成日都話,d pk唔肯認自己係pk,比起果d肯認pk而且做緊pk野既人,更加pk

好多人變心,死都唔肯認,又將責任推落對方身上,又話係佢乜乜乜先
果d人真係有膽做又唔敢認

我反而欣賞果d好肯認自己係衰人既人
你做既野係衰,起碼你都自知,起碼你都知自己衰,我最多話你係唔肯改或者你唔想改

但果d人連自己衰都唔知,又唔肯認

[ 本帖最後由 小久 於 2012-8-21 14:29 編輯 ]

我個EX就係唔肯同我講唔愛我
不明其所以.
還愛我的話, 會忍心令我咁傷心嗎?
可能6年以黎, 我亦傷得佢太多.
只係今次...佢狠下心, 一次過還俾我吧?!

人人都走黎反問我, 是否因為第三者
我已經無心無力再為佢反駁, 甚至自己亦可能已經相信
除左呢個原因, 仲有咩可能令到一個女人一下子咁絕情

[ 本帖最後由 Tan 於 2012-8-21 14:36 編輯 ]

因為. 對方唔肯承認這個事實.


你唔係唯1 1個遇到呢樣野既人.


唔通你就係...


無錯. 衰咪認囉. 做得出怕咩認先.
我都想認. 但我永遠唔會做呢個角色.
因為我對自己有百分之三百既信心.


100個中有99個都係有第3者.
淨返個個可能佢真係唔愛者. 但機會低d.

因為人的天性都是 - 害怕面對人性的醜惡，
能坦然面對自己果 D，係福份

處事唔夠成熟及體面, 要不得

情況就好似有d人明明為錢同某人一齊, 但又唔想承認自己咁低俗
於是不斷同身邊人講某人有幾好幾好, 想證明自己唔係因為錢而選擇某人

-----> 真係好中POINT!

但到對方好直接咁講我唔愛你嗰陣，自己又好難接受同聽得入耳

唉...我個EX同我講佢最愛GE人係我,但唔可以同你一齊...個心仲係好痛..就係呢句我等待佢一年..朋友都話我好傻..最後,佢都冇選擇我,我就知道不可以這麼下去等佢回頭.

她沒有直接答不再愛我，說不知道該怎看待
轉頭在面書貼上跟一位女生的照片
我大概知道，她現在愛的是她
我不必愚蠢的等待，她也不值得我等待

[ 本帖最後由 blur_f 於 2012-9-15 17:28 編輯 ]

有些人說是一回事，做又是一回事。

唔認錯係人既天性...但當你越黎越大,慢慢就會變。

為何沒人承認變心?
因為怕承受唔起後悔，又想留後路

說到尾都係自私.
呢刻唔想留在你身邊, 難保聽日又想回來