1.
公民黨、工黨、社民連，比較肯團結的泛民，似乎是比較穩陣的選擇。
如果一些候選人比較爛，我都是偏向選這幾個黨，因為好多時在立法會投票都係跟黨不跟人。
2. "
選舉不是選聖人, 只是選個無咁爛的蘋果"
希望大家理性，在超級區議會都係會選民主黨/民協的三位。
打仗要的是理性，雖然有d人好唔gur民主黨在政改轉軚……
但選他們總好過選咩都聽政府話的保皇黨。
----------------------------------------------
3.
最近覺得……黃毓民骨子裏只有反共，民主純粹是包裝紙。
他的為人做事好多時都唔係民主理性，之前社民連分裂，他是一大主因。
經濟角度來講……係香港做文化人好窮…黃毓民做生意又唔得，人際關係又唔好…所以先轉營政治
4.
九東黃洋達未學行先學跑... 反而惹人反感(起碼好惹我反感)...如果他做多幾年主持人累積知名度和經驗會好d，佢個短短兩年搞下社會運動，根本無資格話自己有毅力。黃耀明和黃子華都未參選，唔係關心政治又出名又有創意就參選得ga。佢都係比較適合在議會外面關注政治。
5.
人民力量呢個組織唔太值得支持
真是好惹人懷疑……且不論收疑似建制派人士資助、搞生意之類的事啦，我覺得他們是投機分子。
罵民主黨罵得勁，只係為咗選票。吸引一堆情緒化既人投佢地。
立法會好多事務委員會，佢地有無足夠能力、耐性去處理繁瑣的法律條文？
佢地有無能力就政策去提出一d修正案？
唔講黃毓民，佢的確有創意同有火、學識廣博；其他區，人力的參選人都唔見得很出色 (慢必看來尚算ok)。
就算佢地真係口才叻，做show有乜用？upload上YouTube畀大家欣賞？
6. 議會裏面做到既野就係張票咁多(唔計做show呀下), 有時, 不如睇一眾候選人 如果選到入去, 議會外做到d乜更實際
議會外，好多民生、發展、規劃既野，都係民間人士先發動／先質疑，才有其他市民關注，才有傳媒迴響。議員係呢個過程比較次要，除了在立法會選一票之外，還有好多野可以做，用議員呢個身分，施壓、出信、同爭取者一齊遊行……例如說菜園村事件，好多議員有到場支持。選一個淨係識罵的人入去，係議會罵得勁又點，做show而已。
[
本帖最後由 ycf 於 2012-8-30 16:30 編輯 ]
