原帖由 1635 於 2012-9-2 22:08 發表
睇到咁多REPLY,在我作為一個幾B既人而言,我其實認同"B"係有一D無形既責任
照顧愛人,適度既紳士,比下錢,呢D野我甚至覺得呢種其實係B既美德
當然,B都係女人,MAN唔哂係正常
但有D人叫自己做"男 ...
關於B的美德呢一點, 令我花咗D時間思考
先唔探討為什麼B的美德同作為男人的美德係差不多一模一樣
唔知道有雞先定有蛋先, 總之現實情況是, B會以B的美德作為自身要求, 而G亦都以此作為好B/荀盤標準.
而每個人有唔同性格. 可能有些B本性就不是大方, 就是唔係太紳士, 或者唔算好識照顧人. 但由於深明B的美德直接影響市場叫賣力/個人魅力, 係追求的階段都會落力打造一個君子形象, 唔多唔少出銀彈攻勢. 而到咗一齊到嘅時候, 慢慢就鬆懈, 慢慢就回復本性. 又或者見對方唔係自己杯茶, 就快快收番曬D風度. 而如果追唔到手, 可能為了形象都會"好來好去", 不過背後如何同朋友數落對方就另一回事
而另一樣常見係, 一齊之後, 越來越覺得自己好辛苦, 越來越覺得自己都係女人, 為咩要下下照顧人, 是應該雙向的, 就不禁為自己不值.
看著看著以上種種, 我覺得B比自己太多壓力, 戴上不少面具, G亦都比緊壓力. 再加埋社會壓力. 好易變得好情緒化. 我咁講可能又得罪人, 係B話保護對方時, 我反而睇到更多時候, 是G在"精神上呵護同撫慰"緊B脆弱的心靈
可能因為咁, 所以就有一些[有D人叫自己做"男朋友"又著到比男人更男人,出到黎既表現又唔似係"B"果回事] 的情況
而關於B/G/P是否只係外表STYLE而無關身份本質, 呢樣野視乎各人定義的著眼點
就我自己而言, 著眼點在受什麼樣的肉體吸引, 和自己肉體上的皮相.
另外, 同唔同對手又有唔同組合. 我自己而言, 我從來都是咁上下外表, 不過我同唔同人一齊, 又有唔同模式. 可能是我自己份人好MEAN, 我不會對個個都生起照顧保護之心. 所以我同每個人, 都是一段unique的體驗. 但又不是因對象而改變外表.