今日有去到添馬公園的開學禮，的確好多明星、藝人撐場，最重要是香港的民主運動的確在開花。
但我唔開心同悲痛的是我的一位中學同學(大專行動成員)宣佈加入絕食當中。
你們可以話唔關我事，這是(樓主)我的同學，但我都想講這是關你們事的。
我的同學同大家差不多年紀，他都有家人、女朋友的擔心。
而家我們面對緊的事不是搵幾個代表出黎絕食咁簡單，而係我們可以做什麼去改變政府的施政。
我們都知道國民教育科不是好東西，香港需要的是公民教育，但我希望大家想一想我們想要怎樣的未來。
或者大家姐妹會諗自己唔會有下一代，但係我們身邊的人可能會有，又或者有一日女同志可以有自己的小朋友。
所以我們唔應該自私只顧自己，也要想想整體的香港社會。
(說得可能有些激動，但我真心希望大家可以站出來，重視問題)
這場仗，我們要勝利，香港要勝利。

yaya, 社會係一體的. 就算les無仔女, 唔怕自己d仔女受影響, 但係我地日常生活遇到既人都同我地息息相關, 所以唔好以為人地既仔女就唔關自己事.

雖然我身在外國, 我亦都唔知我將來會唔會搬返香港, 不過我覺得我係情感上同責任上保護依個養大我既地方.

我唔會勸你返黎
你返黎即係受難
香港人已經活得好辛苦，我都唔想罵政府，但係香港政府真係做太多「德政」啦。
而家又話要發展新界東北，破壞鄉郊用地，又要迫村屋的居民搬走，為的是建雙非富豪城。
大佬啊，新界有班老人就係務農，自給自足，而家要人地搬走遷就發展主義。
發展左又唔係俾本地居民住，再者香港政府其實有市區用地，點解要破壞我們的環境。
香港其實有農業，我們需要的是發展有機農業，宣揚與種植健康食物。
仲有梁振英，大話精，我都唔想成日罵政府，係政府迫我們罵佢。
妖。

再講國民教育根本係無必要的，每間學校多五十三萬，不如用在其他方面。
不過唔係用o係成功爭取跖廁變坐廁，而係做好醫療，俾更多病人用到適合的藥物。
用在如何改善環境各方面，又或者用五十三萬俾學校發展創新的工程，俾學生自由選擇興趣發展。
總之唔需要用在無謂的思想控制。

好多非在學既傻仔以為國民教育唔關佢地事
佢地睇野只會睇到眼前一塊階磚位咁遠既距離
對中共行思想/言論監控呢d低劣把戲全無概念
一步步被蠶食而不自知, 仲一副事不關己既嘴臉
真係可悲...

岩岩又爆出左有學校要求老師簽保密協議
唔可以洩露國教教材內容, 話要"維護版權"喎
真係無私顯見私, 完全係笑死人既行為
如果係光明正大既野怕咩俾人知?
呢個咁既政府, 呢班咁既狗官
加埋一堆厚顏無恥既在上位者
我真係唔知hk可以頂得幾多年sosad

冇錯,雖然呢兩年叫多左新力軍參與政治活動
但其實好多香港人都政治冷感
e.g.睇下FB SHARE政治野同食物相得到既回應已經差天共地
如果繼續呢種事不關己的態度,香港真的很快淪陷

P.S.不在香港,但希望各位成年的朋友登記做選民參加下星期的立法會選舉吧

yes, i know. 中共好努力咁清洗香港.
我幫朋友手整左個簽名活動比參加唔到學民思潮簽名活動既海外留學生. 麻煩大家幫手share比自己係海外留學既朋友們: https://www.facebook.com/overseahkstudent

反對國民教育ge原因，係e幾個月係唔同ge媒體都有好多
唔洗我多講
係度，我只想表態反對國民教育！！
香港政府唔好強行推行la，收返國民教育la！！！

睇過梁慕嫻的"我與香港地下黨", 就會見識到中共好叻放長線去滲透去"人溝人"去思想上同化

呢D就是統戰了

可惜懂得同中共交手的香港人實在太少.因為大家未能知己知彼.

以前唔明白為咩老一輩的人咁憎共產黨. 家陣先慢慢明白. 一國兩制和五十年不變, 曾經大家天真地相信了. 我們改變不了收歸國有的事實, 有些人甚至拒絕接受呢個現實, 以為香港還是一個"各方面獨立的地區". 但同時又吊詭地, 無人高聲講過支持台灣獨立. 支持西藏獨立的人也不多

在一個既定事實(回歸)之前提下, 我地要堅持"兩制", 同時

1. 明白同接受香港是中國其中一個城市. 而且我們幾唔願意都好, 幾覺得自己同"一般大陸人"幾唔同, 幾真心覺得國內人是落後, 有大食大的蝗虫都好, 都唔可以忘記自己都是中國人的事實. 因為我覺得香港人係"一D負面野"前, 極力劃清界線, 驚死外國人將自己=國內人, 甚至覺得好彩自己身在香港. 呢種心態唔多唔少令香港人政治冷感, 或一聽見係大陸嘅野就先反抗, 懶去同一時間去細讀問題. 家陣政治已不是一個小小地區的政治, 其實已經升呢係國家層面政治

2. 由於香港嘅特殊地位, 我地雖然是一個特區, 其實絕對有推動國家整個民主進程嘅能力. 因為我地仲有接收對外資訊的自由. 所以我地投票, 絕對唔可以只著眼一個香港, 而係長遠D想, 我地選出來嘅人, 分分鐘可能係推動緊民主進程. 明白呢樣野, 果D民建聯工聯會同扮民主的新組織同所謂獨立人士, 就可以死開

3. 立場清晰企硬大是大非時, 同時亦同其他城市建立互助嘅關係. 只著重經濟當然唔可能, 但一講經濟一講珠三角合作就發曬顛, 亦唔係路. 發展新界東北, 唔係一個一定係衰嘅計劃, 但一定唔可能係唔公平. 老實講, 香港搵緊自己新定位. 佢同其他城市點樣去互動 (不一定下下都同國內城市傾野, 就一定係香港做傻仔蝕本比人果個吧), 點樣同各城市競爭, 點樣主動而唔係被動咁等阿爺送大禮, 甚至點去開歐美中國以外的市場(TDC成日都攪一D團去中歐呀東歐)..等等. 都是香港努力搵位企.

我欣賞熱血者, 但有時又覺得佢地無時間去顧及down to earth的事情. 咁可能佢地覺得, 呢D野留番比其他人去想吧. 而一講到呢D野, 就會聽見"霸權"二字.

4. 呢樣野唔知香港有無人攪...就係去推翻回歸呢樣野. 既然唔想被一個共產政權統治, 連做特區都唔想的話. 我地有咩方法可以去推翻? 有無人可提供資料? 眼見香港攪成咁, 有無人個心支持台獨藏獨? (不過咁, 呢樣野是顛覆國家吧, 係咪網上講下都比人拉? 如果係, 我應該好危險) 我地家陣應該對台灣人來講, 係一個好好的白老鼠

如果我講得唔好, 太亂, 唔合邏輯, 真係抱歉.

有時會想, 我老咗嘅時候究竟香港會變成點?

我支持台獨, 因為眼見係中共既偉大, 無私統治下, 中國人既千年文化同思想慘比摧殘.
我地需要一個保存中華文化(e.g.國學, 五術)既地方,
香港快將失手, 現在只能將厚望寄與台灣!

西藏因為認識不多, 不宜作評論,
不過我對佢地深表同情!

我都唔想連台灣都比中共影響

其實陸恭蕙寫過一本共產黨滲透香港的書，係港大出版社出的。可以一睇。

SORRY我唔支持台獨!
愛國不等於愛黨,
不愛黨亦不等於要將國家分割!
我支持台灣一國兩制!

Do u still believe in one country two systems?

為什麼是台灣在中國統治下？純粹出於大一統思想？國家分割按什麼時候的版圖？

根本中共一路以黎都係用緊呢D同化政策
所以我絕對唔讚成乜乜中港融合(無論咩形式)
土生土長HK人同新移民既比例會越黎越接近
到班新移民有足夠影響力既時候, 再俾所謂既選舉自由HK人
呢D被操控既民主, 就係中共式民主, 依然係當權者話事
一方面利用人口政策溝淡HK人, 一方面利用經濟政策削弱HK競爭力
HK唔係無其他出路, 只係政府唔會去做, 佢地要HK處處受制於中國
當初我都好天真咁以為HK仲有50年時間去轉型去蛻變
但而家15年已經變成咁, 好多HK人仲懵盛盛覺得有飯開就夠

好明顯已經好親共.....

that's a joke~

死霸爛霸係佢地中心思想

其實我從來唔信一國兩制. 五十年不變, 個五十只是虛數吧, 即係弱水三千都唔會真係三千
而有樣古惑野係, 五十年不變, 咁之後呢?
年輕時我唔知自己算唔算"左", 我係預咗收番之後, 唔可能真係成為100%獨立個體. 邊有咁便宜
後來眼見香港嘅轉變, 開始想 "既然越來越不自由, 如果有得選, 都選新加坡啦, 乾淨企理又管治得好"
梁振英係07年已經開始打造形象工程. 因為果時有舊同事走去幫梁振英做PR. 之後佢就開始漫長的洗底. 首先叫自己CY, 然後做一D無關政治的個人訪問等等
所以當個個認為/流傳唐唐先係真命天子, 我一直堅持呢條友先係煙幕.
係選舉嘅時候, 我都好天真以為梁生會帶來希望, 因為我本身係傾向強硬的人
同一時間, 我睇緊"我與香港地下黨", 開始認清共產黨嘅本質 (雖然讀書時已經對中/俄共有D認知, 加埋我自己有留意朝鮮的事) 同時對於果個老人家多年來對香港政治的預測出奇地準, 我開始心寒
唔睇都唔知幫人升學,一公開考試就出動的"學友社", 一開始係一個共產青年嘅地下組織表面上只係唱歌跳舞
可能大家沒有真正參與大歷史舞台的演出, 亦沒有真正經歷不停的階級鬥爭(老毛嘅"飛佛")我地想像唔到有人會處心積累 (中共最喜歡用呢個TERM話人, 根本佢地先最叻呢樣野)慢慢各方位潛移物化, 甚至會扮"好人"扮"同路人", 攝入嚟蛀爛個蘋果
再想想, 間間大學D現任/前校長校監都傾向政府喎. 梁振英做過嶺南城大校董, 陳智思就做過嶺南校董, 張柄良以前就教院校長, 科大副校長黃玉山被人話佢年輕時係地下黨員, 老咗仲同中央交心. 港大都已經明顯無以前咁熱心政治, D國內學生爭做學生會會長.嘩, 都咪話唔巧合!
本身已唔信一國兩制, 家陣更加唔信. 唔少老人家唔信共黨, 我以前唔明, 家陣終於明白了.

加埋政治和戰略考慮吧. 台灣獨立, 分分鐘同美國更FD, 比美國係海上活動, 如果仲走去同日本FD, 就死得
俄羅斯見到都可能頭痕, 同時又食花生睇戲