係我既愛情觀錯定我另類
應驗左話黎就黎殺你一個措手不及
黎得快係咪又會走得快
係咪大部份既人都唔相信一見鐘情
就算係都只會視為兒戲

點解人唔相信有一見鐘情呢樣野
點解做男女朋友一定要由朋友關係開始
我到以加都唔明點解
緣份既野話黎就黎

大家既愛情觀又係點呢

ps: 不喜勿插

我都俾人殺咗一個措手不及
又係嚟得快走得快個隻
雖然一齊嘅時間好短 但係....唉!
我只係覺得有D人對感情是很兒嬉的
又或者自己太認真吧....咪輸囉!

我開始都未開始
俾人判左死刑了

細個既時候單純以拍拖為目標, 唔會考慮太多
所以有感覺就ok, 一見鍾情然後一齊的比率相當高(in my case)
當妳慢慢大個, 開始分得到咩係 "喜歡" 咩係 "適合"
妳會明白一時既感覺係幾咁靠唔住, 毫無基礎既愛好易變質
無人話 "男女朋友一定要由朋友關係開始"
但因為一剎那既衝動而開始既話, 十之八九都會後悔
要了解一個人唔係做份問卷咁簡單, 要培養默契更需時日

我明白
我一見鐘情既比率都好高
不過我都知道自己需要d咩
努力等

我試過一次,雙方都一見鍾情的開始. 我由自動電梯上,佢由電梯落,大家對望大家, 由正面一直望大家到地面,個感覺好有心跳感, 但當時大家都無去認識對方. 可能當年真係同佢有緣, 佢係我唔同部門的同事, 之前係無見過的, 但因工作關系佢打電話俾我之後...........就一齊左! 不過佢唔係只對我一個一見鍾情! 所以已分開多年了!

QUOTE:

哇我未試過咁
咁真係幾有緣波=]

我相信一見鍾情的愛情是最單純最美麗的，但是通常都不會有結果!雖然如此,但卻又令人一世都念念不忘~.~

QUOTE:

你又岩喎~~最真誠 我個d都算好既但中間會有原因分開

一見鍾情即係你地好有緣，但有緣又係咪一定相處得好呢？

如果一見鍾情而一齊，然後發覺對方有問題，相處出問題，咁可能唔會維持得耐。如果先做朋友，咁可以了解多D先一齊，總好過乜都唔清唔楚就開始。

所以你話有些人唔相信一見鍾情，可能好似係我頭先咁講，驚唔可以維持得耐，當然也有些人當作兒嬉。

如果你已有一見鍾意的人，我勸你真係要了解佢為人多D先，唔好比"鍾意"、"feel"、"外表"等等沖薰你的頭腦，搞到你同左個錯既人一齊，到時你會後悔。

QUOTE:

我明白~我無諗過好快開始 亦無諗過好耐先開始
中間位係最好

我信一見鍾情，因為我覺得外表係擇偶第一樣睇既野。
好多時第一次見面，就會知對方外表上係唔係自己喜歡既類型。
如果外表上係自己喜歡既類型，就會產生一定程度既好感。
哩種好感會令你想更加接近對方，了解對方。
如果對方都有相同感覺，相處過後發現大家內在條件都唔錯，就會好自然咁一齊。

看似好頹 但 我鍾意順其自然
可以係好快就有feel
可以係日久生情

不過兩個都好危險, 前者可能激情過後就玩完
後者就可能好似「櫻花樹下」咁, 「維繫錯的一番友情 無奈已經不可糾正 太過堅貞」XD

我唔信一見鍾情
一見鍾情只不過係睇外表
單憑外表 只可以話有好感 談不上係愛
一段關係唔係單憑外表可以走落去
如果可以一路行落去既一見鍾情
只可以講 你真係好好彩 遇到個對的人
感情黎得快 走得仲快

好同意!!!
我就無話信唔信一見鐘情
相處係講性格....
性格唔岩...點鐘情都冇用...結果都係分開
一見鐘情既經歷..似乎會慘痛d.....唉.............

終於有人同我睇法相似
好開心
但真係好話唔好聽要睇彩數

我都相信有時真係黎得快就得更快
其實我有d迷惘唔知應該點以加呢case太複雜吧
意想不到
好多野超出預算內

真係好睇彩數咁

差d回留了你不好意思
所以我都係個句咩都玩得起但愛情我真係玩唔起

有時一見鐘情又唔係完全睇樣ge......
第一次見面, 除左會被對方外貌吸引之外, 仲可以俾對方同自己互動ge談吐/ 動作吸引
我就係咁樣死響上一任手上

不過真係感情黎得快 走得仲快
但係又仲係好刻骨銘心......