我唔係專家,以下只係純粹個人意見
首先係由外到內裝備好自己
例如keep fit,注重打扮,識飲識食,睇多d書,懂理財,了解時事等等
咁樣約會時,可以令個女仔眼前一亮,同埋有話題可以閒聊
不過最重要,係打理好自己做人先有自信,追女仔都會有信心d
然後就係點樣去識女仔喇,冇對象既話都冇人俾你追
現實生活中識女友比較難的話,網上識都未嘗唔係好方法
網上可以識到好多人,但都幾需要耐性,因為add好多個都未必有個啱
要慢慢黎,唔可以急,你揀人時,人地都係揀緊你
大家摸索完對方背景後,如果雙方有興趣,應該會更緊密咁聯絡
假如對方成日都同你傾計,又好快咁回覆你,咁佢應該係幾重視你
下一步可以約佢出黎,如果佢肯應約,除非佢太得閒,或者只係想識多個朋友
如果唔係,應該唔多唔少對你有一定好感,想認識你更多
約出黎又係另一個關口,有冇第二三四次,好睇第一次約會留俾對方咩印象
我諗都係睇真人會唔會同睇相有出入,大家面對面相處是否舒服等等
如果出到黎感覺同之前差唔多,而對方又好爽快答應第二次約會
咁我諗發展落去會幾順利,但如果自此之後對方好似冇咁熱情
又好難再約到下一次,咁可能對方見過真人後失去左興趣
總括黎講,我覺得只要有自信,加強自己既條件,會大大增加成功率
如果個女仔都對你有好感,進展應該會比較順利,應該唔需要上山下海咁追