樓主,我同你算是同病相憐喇!我嘅情況同你一樣,不過,我應該會比你更加慘
仲未同對方一齊只係有曖昧嘅關係,佢對我都係有事先搵你,或者鍾意搵先搵吓你咁,雖然我知佢成日返工好忙,但係佢可以成個星期都唔搵你,曾經佢講過話唔想失去我,話我喺佢心裡嘅位置好重要,但我真係完全感覺唔倒,特別係喺呢兩個月嘅日子,因為,我喺兩個月前返工時意外整親,喺放緊工傷嘅呢段日子,我有擔心自己嘅傷唔知幾時先會好,亦擔心之後手尾長已經令我無心機,喺呢段咁失落嘅日子最需要關心嘅時間,佢對我漠不關心嘅態度,真係令我好心痛好失望,就算佢工作真係有幾忙都好啦,連whatsapp咁方便嘅聯繫,連一隻字都無send過比我,今次令我更加清楚我根本對佢一啲都唔重要,原來我喺佢嘅心目中係唔值得花任何時間,真係好灰囉
最近我已經諗清楚喇!既然對方根本唔在意自己,再傻傻咁守住呢段無結果嘅關係,只有放棄係唯一可以令自己嘅傷害減低,唔想繼續迷失下去喇
希望樓主你所遇到唔開心嘅心情,早日消退啦
大家一齊努力吧!